Lisu Literature and Culture

Li Su Xue: Bew., Ei: Tho: Ei: Thi: Poen

Mya Ma Kuoe;-. Mi Ci Na be May Myo; Si Xya Tho Ei So Vi bu kwa.. so vi jue: a mya, kho; ye.. ko. la., ma-. ma pha da ma Rev. Dr. La ‘Wu le-. Li Su xue: tae. kuoe; zu., ko lo kwa.. ka: ta. du.. ma: jo., jo.,-. ka. khwa: khwa:a: le: ‘wu: la., mu.. la., tzi.. na, ma tho: ei: thi: poen bo.. si. pei.. gei: tya, ma do: soe. wa..a lo=

Tho: ei: go., ma.. kwa-.

* Tho: ei: pho, 128 pho, jo.,a lo=

* Li Su ce.. tho: ei: be..-. a.. mei.. Lisumyaluzu kwa.. rew: tya, ma Bo.. Tza. Tho: Ei: thew nyi: xue: lew., kwa.. be.. bo.. ta. lo=

* Bae.. khei: tzo, thi: tzo, kwa.. ngo: jew nyi: jew., bo.. ta. si-. khei: tzo, a: jue: 678 tzo, jo.,a lo= -Ngo: jew., go mya.. ma.. nya-. xue: tae. tae, tu..a ma-. ja: ni, xya, tew,a ma-. be-. cu: yi, gei:a ma.. ngo: jew., bu.. nga., lo=

Tae.. ngo:-. -Phue: pha bu vya; nyi kwa..-.

“Rza kha, ni, ma.. du. du. rza:- a. gu: chi.. phae, ti; ti; rza:”

be.. bae.. si. Li Su thi: xue: lew.; tae. ni, ma.. nyew. le., tzi..a ma ngo: jew tae.-.

“Chew.. ma: chue., ma pu.. du.. ngo.,= Ma. ma: chue., ma.. rza: kha, ngo="

"Rza: kha, ni, ma.. xue.. khu.,a lo= Ma: hwa. ma: tsa: sae; fu..a lo=”

be.. bae.. si. xya, tew, ta. ma.. lo. mo.,a lo=

-Phue: pha: bu.. tya, ko. la., ma Li Su mue: be-. tso., jo., ko. la., ma ka.. mi: li: phe; tae.a: mi.. hwa. chi: la., tzi..a lo=

Tae.. ngo:-. Li Su jya.. mue: tae. mo.-.

“Wa; ci.. wa: ba: va: la., la.,= Lo., khu: lo., ma.. mya.. thi: jya..="

“Sei: dew; zu., lu: lu: dew;a lo= Si, ‘we.. byew; lew; lew; ‘we..a lo=”

be.. nga.,a: mi..-.

“Yi., jya.. lo., ka. xwa: xwa:a: le:= Si, nae.. byew; jew; xue; xue;a: le:=”

“A. lo.. wa: nya, si; jya..a lo= Mue: nei., nei., la.,a., zi: xa.a lo=”

“Hwa; hwa.. nya, bei.. bya: tu.. ga;= Si, khu: du.,a kwa.. bya: new. za:=”

“lo., khu: lo., ma.. ngwa. hwa..a thae.,-. Loe.. wo:a: mi.. tae, ngwa.a: mi.. mae.,=” be-. nga.,a: mi.. bo.. ta. lo=

* Wa., zi., yo. ci:a ma nya..-.
1. Hei. thae., rew: tya, ma Fraser Script (Li Su Ce.. tho: Ei:) kwa.. phi; tsa, ma.. tho: ei: tzo, (‘W) (English ngo: kwa ‘v’ sae; do..a ma) tae. tho: ei: thew., ma kwa.. bo.. si. rew: ta. lo= 2..Lisu ngo: kwa-. thi: tew, sae; to, 6 xue:-. nyi: tew, sae; to, 8 xue: be..-. a.. sae; 26 xue: jo.,a lo= Hei. thae., ma tho: ei: kwa.. a.. sae; 26 xue: tae.-. tho: ei: tzo, (-) thi: ma., le..a: le: bo..a ma kwa be-. zi., zi., mue.. mue.. bo.. ma: na.. ma tae-. tho: ei: thew., thi: poen kwa.. zi., zi., mue.. mue.. bo.. mo. ta. gei:a lo=

Go., lew.. nyi-. ci. cya: xue: tae. ni, nue., su-. ci chya: xue: tae. tae, tu.. ni, xue., su.. Li Su nga., tha po. tho: ei: thew., ma.. tae. mei.. le., tzi.. tzi.. sae; thue; si.-. so.. ru., du.. ye tzi.. na ma-. a: jue: su.. tae.-. xue: kho; ni, ngo..a ma ni, ma le-. do: va., gei: fu.. la.,a lo=

Tho: ei: thew., ma mei.. ni, xue., su nya-.
1. Mya Ma Kuoe; kwa-. Ma Pha Wo., Le, wo.lisujisu@gmail.com tae. nga.,a: mi-.

2. Malaysia kwa-. Ma pha Yo Soe; lisubya@gmail.com tae. nga.,a: mi-.

3. U.S.A. kwa-. Ma pha Ah Dee Gwa adeegwa@gmail.com tae. nga.,a: mi-.

" " " Ma Pha La 'Wu lawulitsom@gmail.com tae. nga.,a: mi-. na.. nyi.. si-. hwa.. ru., chue.,a lo=
Do: va., gei: la., su-. > Mya.. Ja.,<

_____________________________

Li Su Tho: Ei: Tzo, Yi. 'Wu. Ma Be A.. Mei.. Ma

Ue.. So.. Du.. Ngo: Jew., tho: ei: kwa-. hei. thae., ma Fraser Script kwa ma: jo., ma ( 'w ) tae. xya, ho: ta. lo= Gha tzo, tae. nya hei. thae., sae; tzo, kwa.. kei.. ta nga.,a: mi..-. a.. mei.. nya.. khei: tzo, kwa.. ho: ta. lo=

__________________________

Li Su Tho: Ei: Sae; To,

Li Su ngo: nya-, mu.. sae; -. ew.. sae; -. tew.. vi.. sae;-. be-. ko, sae;-. nu: sae tae. cho., si-. yi, sei.. jo.,a ma kwa be-. sae; to, du.. tae. ma: rew: ma: da., ma nga lo= Li Su ngo: tae yi. zei.. soe. su Li Su thi: ro.. bew., ei: tho: ei: tzo, nga., tha po. kwa sae; to, ma: chue., nga.,a: mi-. nyi. nyi ma Li Su bu.. kwa.. mya: bew., nya.. Li Su nga., si-. Li Su ngo: yi. zei.. ma: soe. su mya: le., tya,a ma kwa be-. Li Su tho: ei: bo..a thi: ku. sae; to du.. ma: kei.. ma: da., koe le tya,a ngo= New. bae; ngo: so.. je.,-. rew: je., tya,a ma Li Su bu..a: le: ma: tsi..-. Li Su ngo:a: le: rew: tya su mya: bew., nga.,a: mi-. Li Su tho: ei: sae; to, tae. yi. zei.. ma: soe.-. rew: ma: ku. koe.. le., tya,a ma lo. mo.,a lo= Go lew., nyi tho: ei: sae; to, rew: so.. tzi.. na, ma.. ngo.. lo. si-. Rev. Dr. La ‘Wu le.. bo.. ta. ma “Ue.. So.. Du.. Ngo: Jew” tho: ei: kwa be lo. ru si nyi-. Li Su Tho: Ei: Sae; To, tae. wo; po. kwa.. bo.. mo. gei: ta. ma nga lo=

Thi: Tew, Sae; To, (6 xue)
. (Mya.. Ti.) Mu.. Sae;-. Tae.. lo. gu.. -. Bei: ja., lew.
, (Na. Po..) Ew, Sae;-. Tae.. lo. gu.. -. A: go., lew,
.. (Mya.. Cya.) Tew.. Vi.. Ko, Sae;-. Tae.. lo. gu.. -. A. tha: lew..
., (Mya.. Po..) Tew.. Vi.. Nu: Sae;-. Tae.. lo. gu.. -. Ni, ma.. lew.,
: (Mya.. Jew.,) Ew.. Nu: Sae;-. Tae.. lo. gu.. -. Yi. Mo., lew:
; (Mya.. Na.) Ew.. Ko, Sae;-. Tae.. lo. gu.. -. Chew, lew; lew;

Nyi: Tew, Sae; To, (8 xue:)
.: (Mya.. Ti. Mya.. Jew.,) Mu.. Sae; Ew.. Nu: Sae;-. Tae.. Lo. gu.. -. Hwa.: mi.. hwa. Ma: khu.,-.
.; (Mya.. Ti. Mya.. Na.) Mu.. Sae; Ew.. Ko, Sae;-. Tae.. lo. gu.. -. Hwa. hwa.; nga., la:?
,: (Na. Po.. Mya.. Jew.,) Ew, Sae; Ew.. Nu: Sae;-. Tae.. lo. gu.. -. Thi: hwa,: le: je., nyi..a lo=
,; (Na. Po.. Mya.. Na.) Ew, Sae; Ew.. Ko, Sae;-. Tae.. lo. gu.. -. Thi: hwa,; be.. ho: tae, lae.,=
..: (Mya.. Cya. Mya.. jew.,) Tew.. Vi.. Ko, Sae; Ew.. Nu: Sae;-. Hwa..: mi.. hwa.. ma: mo.,-.
..; (Mya.. Cya. Mya.. Na.) Tew.. Vi.. Ko, Sae; Ew.. Ko, Sae;-. A: jue: thi: wa..; be.. tya,a lo..=
.,: (Mya.. po.. Mya.. Jew.,) Tew.. Vi.. Nu: Sae; Ew.. Nu: Sae;-. Go.,:-. go., kwa.. lo. nyi..=
.,; (Mya.. Po.. Mya.. Na.) Tew.. Vi.. Nu: Sae; Ew.. Ko, Sae;-. A: jue: thi: jwa.,; be.. je., gu., leo.,=

A.. Sae; (26 xue:)
Li Su ngo: kwa A.. Sae; 26 xue: jo.,a lo= Hei. thae., ma tho: ei: tzo, kwa.. A.. Sae; 26 xue: lew.; tae-. tho: ei: tzo, thi: ka. ( _ ) hei: si.a: le: rew: ko. la., ma kwa.. be zi., zi., mue.. mue.. bo.. ma: na.. nyi-. Li Su tho: ei: be.. Li Su ngo: so.. su.. bew ei: ye.. xa. du.. jo.,a lo= A.. mei.. "Ue.. So.. Du.. Ngo: Jew.," kwa-. A.. Sae; tae. tho: ei: tzo, ( a ) le.. bo..a ma kaw be-. zi., zi., mue.. mue.. bo.. ba., la.,a ngo= (A) tae. A.. Sae; bew ei: rew:a thae.,-. yi. ka. nae. si.. kwa.. sae; to, ma: cho., la., boe,a nya double space (tho: ei: tzo, 2 tzo,) bew ei go: le., tzi..a ma kwa be-. lo. ngo: le., du.. ma: jo.,-. be koe.. le., tzi..a lo=

.a phe.a-. Ye.. phe.a ma.. le: ye..-. je., phe.a kwa.. le: je.,=
,a toe,a-. Ni, tsa., toe,a nya.. ga; mei..a ngo.,=
..a tu..a-. Nae; nae; tu..a nya.. go., dew: lo.,a lo..=
.,a mei.,a-. Kwa. Pew.. mei.,a nya.. si; jya..a lo..=
:a ba:a-. Si, phya: ba:a nyi.. hwa: thew, ma: na..=
;a moe;a-. Za., ve; moe;a nyi.. sae; fu.. ma: khu.,=
.a: tue.a:-. Thi: ro.. tue.a: mi.. je., pei.a lo=
.a; bi.a;-. Yi., jya.. pha., bi.. bi.a; kho; ho: koeo=
,a: me,a:-. A.. li.. me,a: mi.. me, ma; mei..=
,a; le,a;-. Ro: nyi: ro.. thi: le,a; be.. je., lae.,=
..a: tu..a:-. Za: mya: le., nyi.. tu..a: mi.. tu.. ma: khu.,-. ty,a: mi.. tya, ma: ku.=
..a; po..a;-. Bew.. kwa.. ma.. ma., khwa: tae. a: jue: thi: po..a; be.. due: va., koeo=
.,a., khu.,a.,-. Ye.. ma: khu.,a., xa. Le.,a nga.,-. Je., ma: khu.,a., do: le.,a nga.,=
.,a: mo.,a:-. Ngwa., yi. tae. mo.,a: mi.. mo., ma: pei.o=
.,a; lo.,a;-. Ei: rza., du., do.. xew:a nya..-. ei., sa., sa., lo., lo.,a; ma.. le: mae.,=
:a., thae:a.,-. Nu., ma: je., la., thae:a., ngwa., nga.,a: mi.. ma: jeo=
:a: hwa:a:-. Ro: nya.. a: jue: thi: xue: thi: hwa:a: le: nga., lo..=
:a; xue:a;-. Ro: Li Su tso., xue: nya..-. nyi: xue: ma: jo., thi: xue:a; ngo.,=
;a., nae;a.,-. Sa. gei.. nae;a., nya.. ngwa., nga.,a: mi.. cho., je.,a ngo.,=
;a: lae;a:-. A: ba: lae; wa.. nga., nyi.. va., mi.. thi: lae;a: mi.. ‘wu: gei: ma: da.,=
;a; tzoe;a;-. Thew., kwa.. xue. thi: mya. thi: tzoe;a; nga.,a: mi.. ei; gu.. ma: jo.,o=
..a,: bue..a,:-. Ei., lae; bue..a,: mi.. tya, ku.a nya.. xa. le.,a ngo.,=
.,a,: je.,a,:-. Nu., cho., je.,a,: mi.. ma: je.,a: mi.. ngwa., nya.. ma: je., ma: da.,=
:a,: nu:a,:-. Thew., ma.. yi. phue: nu:a,: mi.. ngwa bew., ei: a. xue: rew: ma: yae;=
;a,: chue;a,:-. Ya: phi. chue;a,: mi.. ma: xue., la.,-. bae.. si. tha: ni, ‘wu:=
;a,; ka;a,;-. A: jue: ka; ka;a,; ngo.,-. a. xue:a: mi.. ze., tsa, du.. ma: jo.,o=

__________________________________

Bo.. ho: su-. >mya.. Ja.,<