Lisu Myalu Zu phyew; la,_ ma yi. ja.. gu.. nya thew lew ngo= Ah: la.. 2000 kho; chi ga; lae; ga; jue.. thae: Lisu xue: bu Malaysia kwa hwa.. za: hwa.. do., na, ma la., su thi; ga.. thi: ro.._ le: jo_ lo= 2006 kho; kwa chi la thae: Lisu xue: bu Malaysia kwa ah: la., 20 ro chi jo la_ lo= Go ma kwa be Ah- Dei-Gwa bae, ma tso xue: tae ni, nue., su thi: ro chi la si-. Lisu xue: bu tae UNHCR kwa ah le be myew.. due: wa.. na, ma sae; thue; wu. tu la lo=Go., lew nyi ma. pha: Ah-Dei-Gwa nya Kachin Zu kwa UNHCR be ko, je: jo_ ma myew: ye si-. Lisu xue: bu kuoe; da: ma ( third countries ) kwa je wa na, ma sae; thue; ko. la, ma nga lo=
2007 kho; chi la, thae-. Lisu xue: bu thi: nyi ka. nae. thi: nyi mya: la si. 60 ro chi jo la_ lo= Go., mya.. ma kwa be tso xue: tae ni, nue su bu thi: bew., jo la si Lisu xue: bu Zu., thi: ma tei.. si tso xue bew ei myew: ye sae; thue; na, ma gwa jew koeo= Yi. wu. gwa jew su bu nya-. Ah-Dei-Gwa-. Ngwa-Lay(USA) be Taung-Si bu nga_ lo= Go ka. nae. nya Thai mue: kwa be thi tza. la, ma La-Poe-Si-. Bya-Yo-Soe be Za: le, Robin bu be gwa.. jew lae kho si Lisumyalu Zu.,-. bae si Lisu zu., thi: ma tei.. koe ma nga lo=
2008 kho; kwa nya-. ma. pha: Ah-Dei-Gwa nya refugee be ko, je: jo_ ma myew: tae mae., sae; thue; ko. la,_ ma ngo= Tso ti.. La-poe-si nya Lisu zu., phu xa.. su ye sae; thue; koe..o= Tzai Bya-Yo-Soe nya Lisu wa: khu zi; du tae mo. sae; thue; ko. la ma ngo= Tzai yi. nya na., phya: to, zo: tya su tae nae., tsi; vi., kwa ho: gei:_ ma myew: nga_ mi ye sae; thue; ko. la_ lo=
2009 kho; kwa chi la thae: Ma. Pha: Ah-Dei-Gwa nya ACTS bae_ ma NGO nae., tsi; vi., kwa ngo: tza. gei:_ ma myew: ye si-. Lisu xue: tae ho: rew: ko. la_ lo= Bya-Yo-Soe nya Lisu xue: myew:_ be va., lew cew, tae ho: wu. mu tya ma ngo= Tzai ma. pha: Si-Thi-Fa nga_ mi va., lew cew, kwa ho: rew: sae; thue; ko. la ma ngo= Tzai Robin nya KRC bae_ ma Kachin refugee zu., kwa myew: ( myew: si.. ) ye si Lisu xue: bu UNHCR kwa myew. due: wa.. na, ma sae; thue; la, ma ngo= Yi. wu sae; thue; ko. la su ma. pha: Ah-Dei-Gwa nya Lisu Myalu Zu kwa co: yi, gei: su ye tya_ lo= Tzai tso ti.. Wo-Ta nya Lisu ti.. phu xa.. su myew: ye tya ma ngo= Tzai tso ti.. ma Wo Ah-Si-Mi nya Lisu zu., phu xa.. su ye tya lo= Tzai tso ti.. No. Ye-Sa nya Lisu ni, lew phu., ga; su( go.. su ) myew: ye tya ma ngo=
2009 kho; 7 va., kwa chi la thae: Malaysia kwa chi la su Lisu 250 ro jo_ lo= Go mya.. ma kwa be 90% chi nya UNHCR kwa myew bo ho: mei., le su nga si-. kuoe; da: ma kwa je na, ma bew ei lo. tya lo=
No comments:
Post a Comment