ꓡꓲ‐ꓢꓴ ꓕꓳ‐ꓶ ꓝꓳꓹ ꓡꓵꓺ ꓔꓯ ꓟꓳꓸ ꓗꓹ ꓛꓲꓽ ꓓꓳꓽ

ꓠꓲ, ꓠꓵꓻˍ  ꓟ ꓡꓲ‐ꓢꓴ ꓬꓲꓼ ꓤ ꓠꓬꓲ ꓤ ꓐꓴ..ꓳ꓾
 ꓠꓴ ꓚꓲ. ꓛꓬꓽ Computer ꓐꓰ Mobile Phone  ꓗꓪ ꓡꓲ‐ꓢꓴ  Unicode Font ( ꓡꓲ‐ꓢꓴ ꓕꓳ‐ꓶ ꓝꓳ, ) ꓟꓽ ꓗꓶꓺ  ꓔ. ꓥˍ ꓟꓲ ꓡꓲ‐ꓢꓴ ꓟꓬ‐ꓡꓴ ꓜꓴ Website ꓗꓪ ꓐꓳꓺ ꓔˍ  ꓟ ꓡꓲ‐ꓢꓴ ꓕꓳ- ꓶ  ꓝꓳꓹ ꓡꓵꓺ ꓔꓯ  ꓵꓺ ꓙꓲꓻ ꓡꓰ ꓪ꓿ ꓖꓳ ꓡꓱ  ꓠꓬꓲ ꓮ ꓟꓶ ꓗꓪ ꓐꓰ ꓡꓲ‐ꓢꓴ ꓟꓬ‐ꓡꓴ Website ꓗꓪ ꓕꓳ‐ꓶ ꓐꓳ ꓢꓴ ꓮ ꓙꓵ Windows 8 ꓣꓱꓽ ꓢꓲ. ꓡꓲ‐ꓢꓴ ꓕꓳ ꓶ ꓗꓪ ꓐꓰ ꓗ. ꓗ. ꓘꓪꓽ ꓘꓪꓽ ꓐꓳꓺ ꓖꓶꓽ ꓩꓴ ꓡꓻˍ  ꓥꓳ꓿ ꓡꓲ‐ꓢꓴ ꓟꓬ‐ꓡꓴ Website ꓔꓯ. ꓵꓺ ꓢꓯꓼ ꓖꓶꓽ ꓔꓬ ꓢꓴ ꓮ ꓙꓵꓽ ꓗ, ꓗ, ꓛꓲ ꓛꓲ ꓐꓰ ꓵꓺ ꓗ, ꓓꓴ ꓬꓰ꓿ ꓝꓮꓲ, Google Chrome ꓣꓱꓽ ꓢꓲ. Facebook, Gmail ꓐꓰ Website  ꓥꓻ ꓕꓻ ꓑꓳ. ꓗꓪ ꓡꓲ‐ꓢꓴ ꓕꓳ‐ꓶ ꓗꓪ ꓐꓰ ꓙ ꓡꓯꓽ ꓘꓳ ꓙꓲꓻ ꓠ, ꓟ America ꓗꓪ ꓔꓬ ꓟ ꓡꓲ‐ꓢꓴ ꓫꓵꓽ ꓐꓴ ꓡꓰ ꓒꓴ ꓔ. ꓟ ꓡꓲ‐ꓢꓴ ꓜꓴ ꓗꓪ ꓐꓰ ꓢꓯꓼ ꓕꓵꓼ ꓔꓬ, ꓡꓳ꓿ ꓒꓬꓱꓼ ꓡ ꓝꓲ ꓢꓴ ꓠꓬ ꓪꓴ‐ꓢ ꓥˍ ꓠꓬꓲ ꓪꓽ ꓘꓴ ꓢꓲ ꓡꓳ. ꓔꓬ, ꓡꓯ꓿

ꓐꓳꓺ ꓢꓴ꓾
ꓡꓲ-ꓢꓴ ꓫꓵꓽ ꓔꓯ ꓠꓲ, ꓠꓵꓻ ꓢꓴ