Ph.D so tya ma No-Dawue

22 nyi-. 11 va.,-. 2008 kho; thae: Lisumyaluzu le: Ph.D so tya ma-. ma. pha: No-Dawue( David Naw) be ja lae kho wa le wa= Go lew nyi yi. so tya ma ja gu be sae; gei: khei: tae Lisu yi; rza nyi rza bu bew ei: bo gei: fu la ngo= Myew.. nya Ah Phu No-Dawue Tsi; nya 30 kho;( vi., ma: kwa.. thu: se:) Aba myew.. nya Ah-Mi.. No Ama myew.. nya Nyi Ma Sae Vue., gu nya Putao lo phew.,-. Lu-Xa-Ya kha, Ah mei tya ma nya Thailand-. Chiang Mai Ah mei tho: ei: so., tya ma nya Ph.D( Sixya tho: ei:) Ale be so.,tya ma nya-.On line study bae_ ma internet kwa be ja lae kho si so tya ma nga lo= New York kwa jo_ mya so vi., II CM ( International Institute of Church Management) kwa tza. lae: kho si so., tya ma nga lo= 5 kho; so., na.. ka,_ lo= Ah mei so tya ma thi: kho; jo tya lo= Yi. kwa be Lisu xue: bu tae sae; gei: khei:-. " Ni, nue.,_ ma Lisu yi; rza nyi rza bu..o-.(1) Ah xue: kwa nga_ mi da: wu. kwa ro rzei.. ah: jue: Wusa tae lae; jew na.. ka, lo= Wusa tae wa: wue: kho, nae,_ lo= Ro ye ni, xue.._ ma Wusa tae bae ma. gei: na ka,_ lo= (2) Ah xue: kwa_ mi ni, ma xue.. na.. ka, lo= Tsi; wu: leo-. bae si so.._ ma kwa ni, ma tha: jya le= Ngwa nya tsi; wu: la tha: si soe. ni, so wa nga= Go lew nga mi ni, ma ma: jya le ma wu. nyi ah mei.. thew lew so., phyew; la_ ma nga lo= (3) Ro nae.; kwa ji.._ ma xew, ( xei,) jo na.. ka_ lo= Ci. cya: tae rza., mu-. za: yi; do., yi;_ ma tha: jo tzi= Yi. jue, jo., jo.,; sae; thue;= Ro: ale thi: ro nga_ mi-. Ro: sae. tya ma nya ci. cya bew ei:_ le: tha: kei le tzi= Xue: bew ei: be Wusa bew ei: phyew; la tzi= Ro: ah: jue: thi: ro thi: xue: ye ba., la lo= Ro: ye ba.,la_ ma thi: xue: tae yi. zi., ni, ma xue.. si. sae; thue;= Ah. xue: kwa_ mi ue.. ni, kwa be tso jo lae= Lisu xue: tae ni, nue.,_ lo-. bae_ ma mei:-noe, kwa be_ le: tha: koe le tzi-. ye_ma myew: ( Action) kwa be mo. gei: lae= Lisu xue: bu thi: ni, thi: wa.,; sae; thue; lae= Anew Lisu bu nya chi.. phae,-. lae: phae, kwa chi.. ca..( bei.. ca..) le: li.. ta lo= Ah. xue: kwa nga mi tsa: tsa:_ le: ye ba., la na, ma bew ei nga lo= Go., ma wu. nyi 'Lisu' be bae_ ma ngo= Lisu nya su.. tya su ma: nga= Thi: ni, thi: wa.,; tso jo., lae=Wu: mu.. la na, ma bew ei: tae.. so., du jo_ ma tso rza: tae ta.. du ye lae= Ro: ah: jue: su ah: khei. sae; thue; du ye lae=" Ma. pha No-Da-Wue( David Naw) be ja lae kho ni, xue.. nya-. nawdavid9@gmail.com