USA-. Minesoda LI-SU BU KW BE KHO RU TY M DO:

Li Su Nga Tha Po Tae Kho Ru Tya Ma

Malaysia mue kwa be nga mi-. Thai mue kwa be nga mi-. thi: mue le thi mue kwa be USA kwa cue. la su Li Su yi rza nyi rza bu tae. Minnesota kwa tya ma Li Su yi rza nyi rza bu kwa be ni phu phu.,a: le: kho ru ty lo=

USA kwa refugee kho ru.,a ma mue: xu.. (state) a: mya, ma jo.,a lo= Go lew nga mi Minnesota State nya a jue: ma thae: si refugee bu tae. ye.. ja..a ma kwa wa., zi., bi.. zi;a lo= New bae state bu kwa nya chi.. la ka. nae. va ba 2 ma kwa be 1kho; kwa chi.. za: du be tya gu a: to to ye ja..a nga mi-. Minnesota kwa nya 5 kho; kwa chi ye.. ja si-. myew: ma: rew: rew: tho: ei: so jue: wa gei: ta lo= Na la phya la thae., nae tsi; xya na ma due: ja: xa. ma: chue.,= English ngo: ma soe. su tae. nae tsi; vi bu kwa ngo: lei. gei: su 2000 ro ma: tsi., jo.,a lo= Je je la la ye.. ja..a ma mo do company be tso rza a thae: nga mi jo.,a lo=

Ro Li Su xue: bu xew, be tya za tya do cew, ma: xew. lae kho ma mue: thew ma kwa yi. 'wu. chi la su nya tsa; be tya ku. le na ma ye xa du jo.,a ma kwa be Minnesota kwa nya Li Su 30 ro chi tya si-. yi xue; due: la ma Li Su yi rza nyi rza bu tae. ye ja na ma ja gei: ta lo= Va lew cew, thi: pho, kwa ja: xa. du ma jo na ma-. Minnesota Lisu Yesu Khu Zi Tso tae. nga mi tei.. ta si-. zu ma: ve: ve: a jue: su tae. kho ru tya lo= Li su xue: li phe; be ngo: tho: ei: tae. nga mi Si Xya Tho: Ei: tae. nga mi-. si pha vya nyi nga tha po kwa rza new rza be tso 'wu: nyi: bew bew si ma. gei: tya lo=

A ma nga mi Minnesota kwa la ni xue.,a nya-. USA kwa due: la ma be thi le,;-. a li thi mue: kwa ho: va ta nga mi-. Rev. Dr. La 'Wu tae. phone xa thew si-. Minnesota kwa cue. je na ma yi cew, xya lae= Ja lae kho na ma phone nya (612) 516-9574 nga lo= Email nya lawulitsom@gmail.com This e-mail address is being protected from spambots. You need JavaScript enabled to view it nga lo=Ci chya tae. ho: va ta ma go thi mue: kwa nga mi refugee bu tae. ye.. ja su case worker bu jo.,a lo= Yi wa le tya gu vi ko, (apartment) ma: ngwa. gei: la se thae le cue. la nya a xue: ka: ta du ma: jo jo cue. sa.,a lo=USA kwa nya co.. 'wu. jue: wa jo.,a ma mue: nga nyi a li kwa cue. je ni xue.,a nga mi a. xue: ka: ta du ma: jo=

A jue: su tae. 'Wu Sa le cew, mo gei: la tzi=

La 'Wu