LI-SU KHO; XUE; PAI: BE J LAE KHO PAI: ( 5 HW, )

NI, NUE.,_ YI; RZA NYI RZA BU..O-.
MALAYSIA KW TY_ M LI-SU YI; RZA NYI RZA BU NY THI: KHO; THI: HW, AH JUE: SU ZI; LAE KHO SI ' J LAE KHO PAI: FELLOWSHIP)' YE TY M NGO= GO LEW NGA MI TSI NI, 2012 KHO; 1V., 24 NYI KW NY ' LI-SU KHO; XUE; PAI: BE J LAE KHO PAI:' TAE T.. SI YE KOE..O=
L TSO 300 RO CHI ZI; CHI L LO=
ZI; DU HO: SU NY M. PHA: RZA-ZEW-PHU BE N-N-FISH NGA LO= PAI: KW WU-S TAE XEW. GEI: MU GW BE XUE: TAE CHUE: TU.._ M MU GW GW.. KOE..O= LI-SU C.. MI: BAE M. GEI:_ M-. MALAYSIA LI-SU ZU., C.. MI: BAE M. GEI:_ M -. 2011 KHO; NAE.; KW LI-SU ZU., BE KHU-ZI-TSO KW BE YE KOE.._ M MYEW: BYEW: KHEI: TAE BAE M. GEI:_ M BE UNHCR KW MYEW.. DUE: MEI., SU LI-SU UE.. MYEW.. -. 3 KUOE; KW DO.. JE SU UE.. MYEW.. -. VUE., MEI.,_ M LI-SU RZA NEW BU UE.. MYEW..-. LI-SU ZU., HO: WU. MU.. CEW, THEW LEW AH MY, XUE: TAE BAE MO. GEI: KOE..O=
2011 KHO; NAE.; KW UNHCR KW MYEW.. DUE: MEI., LE BU (53) RO JO_ LO= YI. W: BU NY NAE.. TSI; CEW, ( MEDICAL)-. FAMILY ADDING BE NEW. BAE; CEW, KW BE MYEW.. DUE: MEI., LE SU NGA LO=
2011 KHO; NAE.; KW 3 KOUE; KW DO.. JE SU LI-SU ( 48 ) RO JO LEO= USA KW ( 30 ) RO-. Australia KW ( 6 ) RO-. Norway KW ( 4 ) RO-. Canada KW ( 4 ) RO BE New Zealand KW ( 1 ) RO NGA LO=
PAI: MEI; KHEI; KW NY MU: GW: GW.._ M (Concert ) YE KOE..O= WU-S TAE XEW. GEI:_ M MU GW: BE XUE: TAE DO, MU_ M MU: GW: NGA LOI= KW.. CHE, CHE, M_ MI YE KOE..O=
2012 KHO; KW ZU., HO: WU. MU.. SU TAE NGA MI SI.. KOE..O= XUE: ZU., HO: SU ( President) NY JY-LI-WU NGA LO= MYEW: SI.. ( Secretary) NY NGWA-DI-YAE NGA LO= ZU., PHU X.. SU NY M-THI NGA LO=
M. MI C.. GEI: SU NY M. PHA: LAE-MAE-PHU NGA LO=